ការប្តេជ្ញាចិត្តលើទំនួលខុសត្រូវសង្គម
ការជួយកែលម្អជីវិតរស់នៅ និងពង្រឹងសហគមន៍
យើងខ្ញុំធ្វើសកម្មភាពសប្បុរសធម៌ដោយប្រកាន់ខ្ជាប់នូវអភិបាលកិច្ច សីលធម៌ និងការអនុលោមតាមច្បាប់ក្នុងកម្រិតខ្ពស់បំផុត។
យើងខ្ញុំស្វែងរកចំណុចយុទ្ធសាស្រ្តជាគោល ដើម្បីធានាថា យើងអាចប្រើប្រាស់ធនធានបានយ៉ាងល្អបំផុត។ យុទ្ធសាស្ត្រទាំងនោះមានដូចជា ការដាក់បញ្ចូលហិរញ្ញវត្ថុ និងអក្ខរកម្ម ជំនួយមនុស្សធម៌ និងការគាំទ្រសហគមន៍។
យើងខ្ញុំធ្វើប្រតិបត្តិការ ប្រកបដោយអភិបាលកិច្ចខ្ពស់ចំពោះយុទ្ធសាស្ត្រ និងការវិនិយោគលើកម្មវិធីសប្បុរសធម៌ ដោយអនុលោមតាមច្បាប់ បទបញ្ញត្តិ និងគោលនយោបាយរបស់ Visa។
យើងខ្ញុំ មានតម្លាភាពក្នុងការកំណត់លក្ខណៈវិនិច្ឆ័យ ការសម្រេចចិត្ត និងរបាយការណ៍ការងារ សប្បុរសធម៌។ ការចូលរូមវិភាគទានរបស់ Visa ទាំងអស់ត្រូវបានពិនិត្យដោយគណៈកម្មាធិការវិភាគទានសប្បុរសធម៌ ដែលមាននាយកប្រតិបត្តិជាន់ខ្ពស់របស់ Visa ព្រមទាំង ដោយគណៈកម្មាធិការអភិបាលកិច្ចសាជីវកម្ម និងការជ្រើសតាំងក្រុមប្រឹក្សាភិបាល របស់ Visa Inc.។
យើងធ្វើការជាមួយរដ្ឋាភិបាល អង្គការជួយសង្គ្រោះអន្តរជាតិ និងស្ថាប័នឯកជន ដើម្បីជួយសហគមន៍ក្នុងពេលមានវិបត្តិ។
ក្នុងឆ្នាំ 2012 ការបាក់ដីបានបណ្ដេញអ្នករស់នៅរាប់រយនាក់ក្នុងទីក្រុងសាពូស៊ៀរ។ អាជ្ញាធរមូលដ្ឋានអាចប្រើប័ណ្ណរបស់ Visa ដើម្បីទទួលមូលនិធិសម្រាប់ទិញអាហារ សម្ភារៈ និងជម្រកបានយ៉ាងឆាប់រហ័ស។
ក្នុងឆ្នាំ 2010 ការច្បាំងគ្នាបានបណ្ដេញប្រជាជនប៉ាគីស្ថានចំនួន 1.5 លាននាក់។ ក្នុងអំឡុងពេលមានវិបត្តិនេះ ប័ណ្ណបង់ប្រាក់ជាមុនរបស់ Visa បានក្លាយជាឧបករណ៍សង្គ្រោះជីវិតដើម្បីទិញអាហារ និងសម្ភារៈសំខាន់ៗផ្សេងទៀត។
Visa ចាប់ដៃគូជាមួយនឹងកម្មវិធីស្បៀងអាហារពិភពលោករបស់អង្គការសហប្រជាជាតិ ដើម្បីដាក់ពង្រាយកម្មវិធីផ្ទេរប្រាក់ចល័តដល់ជនភៀសខ្លួនជនជាតិរវ៉ាន់ដារាប់ពាន់នាក់។
Oxfam និង Visa បានរូមកម្លាំងគ្នាដើម្បីផ្ដល់ការដកប្រាក់ជំនួយអេឡិចត្រូនិចដល់សហគមន៍ងាយរងគ្រោះមហន្តរាយ នៅក្នុងប្រទេសហ្វ៊ីលីពីន។
Visa គាំទ្រសហគមន៍របស់យើង ដោយចូលរួមវិភាគទានដល់អង្គការមិនរកប្រាក់ចំណេញមូលដ្ឋាន និងជួយឲ្យបុគ្គលិករបស់យើងតបស្នងវិញតាមរយៈសេវា និងកម្មវិធីសប្បុរសធម៌។
បុគ្គលិករបស់ Visa ជាច្រើន ចូលចិត្តចំណាយពេលវេលា និងជំនាញរបស់ខ្លួនដើម្បីធ្វើការងារស្ម័គ្រចិត្តលើគម្រោង ដែលពួកគេ ជឿជាក់។ ដើម្បីជំរុញស្មារតីស្ម័គ្រចិត្ត កម្មវិធីស្ម័គ្រចិត្ត Visa របស់យើងជួយ បុគ្គលិកស្វែងរកឱកាសក្នុងស្រុក បង្កើតព្រឹត្តិការណ៍ជាក្រុម និងតាមដាន ម៉ោងការងារស្ម័គ្រចិត្តរបស់ពួកគេ។ យើងខ្ញុំក៏ផ្ដល់កិត្តិយសឲ្យបុគ្គលិក ដែលបានធ្វើការងារស្ម័គ្រចិត្តឈានមុខគេ ដោយឲ្យជា ពានរង្វាន់ស្ម័គ្រចិត្តរបស់ Visa និងទទួលស្គាល់ការរួមចំណែករបស់ពួកគេក្នុង សហគមន៍។
ដើម្បីជំរុញទឹកចិត្តដល់ បុគ្គលិករបស់យើងបន្ថែមទៀតក្នុងការតបស្នងទៅសហគមន៍វិញ កម្មវិធីផ្គូផ្គងរង្វាន់សកលរបស់យើងលើកទឹកចិត្តឲ្យបុគ្គលិក បរិច្ចាគដល់អង្គការសប្បុរសធម៌ ជាមួយនឹង Visa ដែលផ្គូផ្គង ការបរិច្ចាគរហូតដល់ $5,000 (20.000.000 រៀល) ដុល្លារ ជារៀងរាល់ឆ្នាំ។
យើងខ្ញុំ ជឿជាក់ថាបុគ្គលិករបស់យើងគឺជាភ្នាក់ងារសម្រាប់ការផ្លាស់ប្ដូរ។ ដូច្នេះហើយ រៀងរាល់ខែវិច្ឆិកា បុគ្គលិក របស់ Visa នៅជុំវិញពិភពលោកជួបជុំគ្នាបរិច្ចាគពេលវេលា និងទេពកោសល្យរបស់ពួកគេដើម្បី គាំទ្រអង្គការមិនរកប្រាក់ចំណេញ សាលារៀន និងក្រុមសហគមន៍ផ្សេងៗ នៅក្នុង តំបន់ជិតខាង ដែលជាកន្លែងពួកគេរស់នៅ និងធ្វើការ។ នេះគឺជាការសម្រេចបាននៃ កម្មវិធីស្ម័គ្រចិត្តរបស់ Visa ហើយត្រូវបានគេប្រារព្ធធ្វើនៅតាមការិយាល័យ Visa នៅជុំវិញពិភពលោក។