វេទិកា Visa Developer
- សហការជាមួយយើងខ្ញុំដើម្បីបង្កើតកម្មវិធីទូទាត់តាមឧបករណ៍ចល័តជាមួយសេវាសញ្ញាសម្ងាត់ Visa SDK
- អភិវឌ្ឍដំណោះស្រាយទូទាត់ ដែលរួមបញ្ចូលគ្នាដោយផ្ទាល់ ជាមួយឧបករណ៍គ្រប់គ្រងសញ្ញាសម្ងាត់។
ផ្ដល់ជូននូវវិធីបង់ប្រាក់ជាច្រើនប្រភេទ
សេវាសញ្ញាសម្ងាត់ Visa អាចជួយលោកអ្នកក្នុងការបង្កើត និងគ្រប់គ្រងបទពិសោធន៍ទូទាត់ឌីជីថលរបស់លោកអ្នក ហើយបង្កើនការការពារព័ត៌មានសម្ងាត់អ្នកប្រើប្រាស់ពីការក្លែងបន្លំ។ ខណៈដែលអតិថិជនកាន់តែច្រើនរំពឹងរកដំណោះស្រាយទូទាត់តាមឧបករណ៍ចល័ត សេវាសញ្ញាសម្ងាត់ Visa ផ្ដល់ជូននូវឧបករណ៍សំខាន់ចំនួនបី ក្នុងការជួយលោកអ្នកបំពេញតម្រូវការអតិថិជន។
ដំណោះស្រាយទូទាត់ពិសេស
Visa ផ្ដល់ជូនស្តង់ដារ លក្ខណៈបច្ចេកទេស ឧបករណ៍អភិវឌ្ឍ និងដំណោះស្រាយឧបករណ៍ចល័តដែលមានរួចជាស្រេច ដើម្បីជួយដល់ដៃគូក្នុងការបង្កើត និងដាក់ឲ្យអ្នកកាន់ប័ណ្ណប្រើប្រាស់កម្មវិធីសញ្ញាសម្ងាត់ផ្ទាល់ខ្លួនរបស់គេ។
ដំណោះស្រាយការទូទាត់គ្មានទំនាក់ទំនង
ប្រតិបត្តិការគ្មានទំនាក់ទំនងចល័តកំពុងនាំមុខការទូទាត់ឌីជីថលជំនាន់ក្រោយ ហើយសេវាសញ្ញាសម្ងាត់ Visa អាចធ្វើឲ្យប្រតិបត្តិការនេះមានភាពងាយស្រួល និងសុវត្ថិភាព។ ជាមួយបច្ចេកវិទ្យាទំនាក់ទំនងនៅជិត (NFC) និង Visa payWave សុវត្ថិភាពនៃការទិញគឺងាយស្រួលដូចការគ្រវីដៃអញ្ចឹង។
Apple Pay
កាន់តែងាយស្រួលសម្រាប់ការទិញទំនិញក្នុងពេលរវល់ជាមួយទូរស័ព្ទ iPhone ដែលអាចប្រើបាន។
Android Pay
Android Pay ផ្តល់នូវសុវត្ថិភាព និងវិធីងាយស្រួលដើម្បីទូទាត់ប្រាក់ – ជាមួយនឹងឧបករណ៍ប្រតិបត្តិការ Android ស្ទើរតែទាំងអស់។
Microsoft Wallet
វិធីដ៏ងាយស្រួល និងកាន់តែមានសុវត្ថិភាពដើម្បីទូទាត់ សម្រាប់អតិថិជនប្រើប្រាស់ Windows 10 Mobile ។
ការបង់តាម Samsung Pay
វិធីដ៏មានសុវត្ថិភាព និងងាយស្រួលក្នុងការទិញទំនិញដោយប្រើ Visa ជាមួយឧបករណ៍ Samsung របស់លោកអ្នក។
ដំណោះស្រាយពាណិជ្ជកម្មអេឡិចត្រូនិក
ធ្វើឱ្យអ្នកកាន់ប័ណ្ណកាន់តែងាយស្រួលបង់ប្រាក់តាមអ៊ីនធឺណិតជាមួយដំណើរការប្រកបដោយសុវត្ថិភាព ដែលធ្វើឲ្យអតិថិជនងាយស្រួលទូទាត់។
Visa Checkout
Visa Checkout ធ្វើឲ្យអ្នកកាន់ប័ណ្ណរបស់លោកអ្នកងាយស្រួលទូទាត់តាមអ៊ីនធឺណិត។ អតិថិជនបង្កើតគណនី ហើយចូលទៅធ្វើ Checkout បានយ៉ាងលឿនដោយចុះឈ្មោះចូលតែមួយដង និងមិនចាំបាច់បញ្ចូលព័ត៌មានលម្អិតអំពីប័ណ្ណ ឬអាសយដ្ឋានដឹកជញ្ជូនគ្រប់ពេលនោះទេ។
វិធីថ្មីក្នុងការទូទាត់តាមអ៊ីនធឺណិត
ប័ណ្ណលើបញ្ជីត្រូវបានរក្សាទុកគណនីសញ្ញាសម្ងាត់យ៉ាងមានសុវត្ថិភាព ហើយធ្វើបច្ចុប្បន្នភាពទិន្នន័យប័ណ្ណ ដែលបានចាប់យកពីអតិថិជនលើអ៊ីនធឺណិត ដើម្បីផ្តល់ជូននូវបទពិសោធន៍ Checkout ដែលកាន់តែប្រសើរ។
ប្រព័ន្ធ Internet of things
អ្នកបង្កើតឧបករណ៍ដូចជា នាឡិកា រថយន្តដែលបានតភ្ជាប់ សម្លៀកបំពាក់ និងសម្ភារៈក្នុងផ្ទះ – សូម្បីតែហេដ្ឋារចនាសម្ព័ន្ធទីក្រុង – ឥឡូវនេះអាចប្រើប្រាស់ការទូទាត់ដ៏មានសុវត្ថិភាពតាម Internet of Things ជាមួយនឹងសេវាសញ្ញាសម្ងាត់ Visa ។
នាឡិកា
នាឡិកាជាមួយបច្ចេកវិទ្យាទូទាត់គ្មានទំនាក់ទំនងអាចឲ្យអ្នកប្រើប្រាស់ទុកកាបូបលុយរបស់ពួកគេនៅផ្ទះ។
រថយន្តដែលបានតភ្ជាប់
អ្នកបើកបរអាចទូទាត់ដោយគ្មានទំនាក់ទំនងយ៉ាងមានសុវត្ថិភាព និងងាយស្រួលបំផុតពីប្រព័ន្ធកម្សាន្តនៅលើរថយន្តរបស់ពួកគេ។
ឧបករណ៍ដែលបានតភ្ជាប់ដទៃទៀត
បច្ចេកវិទ្យា Visa ធ្វើឲ្យមានភាពងាយស្រួលដើម្បីទូទាត់ដោយសុវត្ថិភាព និងអាចប្រើប្រាស់បានជាមួយឧបករណ៍ដែលមាន អ៊ីនធឺណិត។
អភិវឌ្ឍបទពិសោធន៍ទូទាត់
Visa ផ្ដល់ជូនស្តង់ដារ លក្ខណៈបច្ចេកទេស និងឧបករណ៍អភិវឌ្ឍ ដើម្បីជួយដល់ដៃគូក្នុងការកសាង និងដាក់ឲ្យប្រើប្រាស់កម្មវិធីផ្ទាល់ខ្លួនរបស់ពួកគេ។
កូដ QR
ទិញដោយធ្វើការស្កេនកូដ QR លើអេក្រង់ឧបករណ៍ចល័ត។
BLE
Bluetooth® Low Energy (BLE) អនុញ្ញាតឲ្យទិញបានពីគ្រប់ទីកន្លែងក្នុងហាង។
ឧបករណ៍សំខាន់បី
សេវាសញ្ញាសម្ងាត់ Visa គឺជាឈុតដែលរួមបញ្ចូលដោយឧបករណ៍សញ្ញាសម្ងាត់ផ្សេងៗ ៖ ទូដែកសញ្ញាសម្ងាត់ Visa ការគ្រប់គ្រងសញ្ញាសម្ងាត់ និងអ្នកគ្រប់គ្រងហានិភ័យ Visa ។
ទូដែកសញ្ញាសម្ងាត់ Visa
- ផ្ទុកសញ្ញាសម្ងាត់ និងកំហិតដែនដូមែននៅក្នុងទូដែកឌីជីថលសុវត្ថិភាព។
- តភ្ជាប់សញ្ញាសម្ងាត់ដល់អ្នកកាន់ប័ណ្ណ PAN1 សម្រាប់ដំណើរការទូទាត់
- វិធានការ ៖ ចែកចាយសញ្ញាសម្ងាត់ទៅឧបករណ៍ ដែលបានភ្ជាប់អ៊ីនធឺណិត និងកម្មវិធីទូរស័ព្ទសម្រាប់ទូទាត់
ចាប់ផ្ដើមជាមួយកម្មវិធីជួយឲ្យមានឌីជីថលរបស់ Visa
កម្មវិធីជួយឲ្យមានឌីជីថលរបស់ Visa (VDEP) ជួយសម្រួលដល់វិធី ដែលលោកអ្នកអាចផ្តល់នូវដំណោះស្រាយទូទាត់ប្រកបដោយភាពច្នៃប្រឌិត។ ជាមួយនឹងការចូលប្រើសេវាសញ្ញាសម្ងាត់ Visa បានយ៉ាងរលូន, VDEP ភ្ជាប់ទំនាក់ទំនងស្ថាប័នហិរញ្ញវត្ថុ ជាមួយក្រុមហ៊ុនបច្ចេកវិទ្យា ដែលអនុញ្ញាតឱ្យលោកអ្នកផ្ដល់នូវជម្រើសទូទាត់ជាមួយ Android Pay, Samsung Pay, និង Visa Checkout ក្នុងពេលតែមួយ។
ការបញ្ចូលគ្នាតែមួយដង
ក្របខ័ណ្ឌសាមញ្ញ និងអាចពង្រីកបាន
ការការពាររឹងមាំ
ចូលទៅកាន់កិច្ចសហការ
សំណួរ + ចម្លើយ
ចម្លើយសម្រាប់សំណួរសួរជាញឹកញាប់អំពីសេវាសញ្ញាសម្ងាត់ Visa ។
-
សញ្ញាសម្ងាត់នៃការទូទាត់គឺជាដំណើរការនៃការជំនួសលេខគណនីប័ណ្ណទូទាត់បែបប្រពៃណី ដោយសញ្ញាសម្ងាត់ឌីជីថលតែមួយគត់ ក្នុងប្រតិបត្តិការលើអ៊ីនធឺណិត និងឧបករណ៍ចល័ត។ សញ្ញាសម្ងាត់អាចត្រូវបានដាក់កំហិតសម្រាប់ប្រតិបត្តិការជាមួយឧបករណ៍ចល័ត អ្នកជំនួញ ឬប្រភេទនៃប្រតិបត្តិការជាក់លាក់ណាមួយ។ ដំណើរការសញ្ញាសម្ងាត់កើតឡើងនៅផ្នែកខាងក្រោយ ដែលអតិថិជនមិនអាចមើលឃើញនោះទេ។
-
ក្នុងខែតុលា ឆ្នាំ 2013 Visa, MasterCard, និង American Express បានដំណើរការស្តង់ដារថ្មីមួយ សម្រាប់ការទូទាត់ឌីជីថល។ EMVCo - ជាអង្គភាពស្តង់ដារសកល ដែលគ្រប់គ្រងលើលក្ខណៈបច្ចេកទេស EMV ដើម្បីធានាដល់អន្តរប្រតិបត្តិការ និងការទទួលយក - បានបង្កើតឡើងក្រោមក្របខ័ណ្ឌនេះ ដោយមានការចូលរួមពីសមាជិករបស់ EMVCo និងឧស្សាហកម្ម ដើម្បីធ្វើឱ្យសញ្ញាសម្ងាត់អាចប្រើប្រាស់ក្នុងកម្រិតខ្ពស់ និងទទួលយកបាននៅជុំវិញសកលលោក។ EMVCo បានបោះពុម្ពផ្សាយកំណែដំបូងនៃលក្ខណៈបច្ចេកទេស នៅខែ មីនា ឆ្នាំ 2014។ ការអភិវឌ្ឍន៍ស្តង់ដារសកលនឹងជួយដល់ផលិតផលទូទាត់ជំនាន់ថ្មី ខណៈដែលរក្សាសមត្ថភាពដំណើរការជាមួយរចនាសម្ព័ន្ធទូទាត់ដែលមានស្រាប់។
-
យើងរស់នៅក្នុងពិភពលោកដែល «ភ្ជាប់ទំនាក់ទំនងគ្នា»។ ខណៈដែលអតិថិជនកាន់តែច្រើនចាប់ផ្តើមទិញទំនិញតាមអ៊ីនធឺណិត តាមរយៈទូរស័ព្ទឆ្លាតវៃ ថេប្លេត និងកុំព្យូទ័រ ឧស្សាហកម្មការទូទាត់បានយកចិត្តទុកដាក់លើការផ្តល់នូវបទពិសោធន៍ទិញ ដែលមានសុវត្ថិភាព មានការធានា សាមញ្ញ និងថិតថេរ មិនថាអតិថិជននៅកន្លែងណា និងកំពុងប្រើប្រាស់ឧបករណ៍ណានោះទេ។ ការអភិវឌ្ឍន៍នៃស្តង់ដាសកលនឹងជួយដល់ផលិតផលទូទាត់ជំនាន់ថ្មី ខណៈដែលរក្សាសមត្ថភាពដំណើរការជាមួយរចនាសម្ព័ន្ធទូទាត់ដែលមានស្រាប់។
-
EMVCo ដែលជាអង្គភាពស្តង់ដារសកលគ្រប់គ្រងលើលក្ខណៈបច្ចេកទេស EMV បានពង្រីកទំហំការងាររបស់ខ្លួន ដោយបន្ថែមការអភិវឌ្ឍន៍លើលក្ខណៈបច្ចេកទេសសញ្ញាសម្ងាត់ផងដែរ។ EMVCo បានបង្កើតក្របខ័ណ្ឌដោយមានការចូលរួមពីសមាជិករបស់ EMVCo និងឧស្សាហកម្ម ខណៈដែលយើងព្យាយាមធ្វើឱ្យសញ្ញាសម្ងាត់អាចប្រើប្រាស់បានក្នុងកម្រិតខ្ពស់ និងទទួលយកបាននៅជុំវិញសកលលោក។ EMVCo បានបោះពុម្ពផ្សាយកំណែដំបូងនៃលក្ខណៈបច្ចេកទេស នៅខែ មីនា ឆ្នាំ 2014។