ក្រុមហ៊ុនឈានមុខគេក្នុងតំបន់ ជាធម្មតាអាចចំណាយរហូតដល់ទៅ 253 ម៉ោងក្នុងមួយសប្តាហ៍ក្នុងការធ្វើប្រតិបត្តិការដោយដៃ* ដោយបញ្ចូលទិន្នន័យ និងការកែរបាយការណ៍លំហូរសាច់ប្រាក់របស់ពួកគេ។ គេសង្កេតឃើញថា ស្ថាប័នជាញឹកញាប់អាចធ្វើការទិញដែលមិនចាំបាច់ ដែលខុសពីកិច្ចសន្យា និងខុសពីតម្លៃ ហើយវាអាចនាំឲ្យមានការខ្ជះខ្ជាយ និងការចំណាយខ្ពស់នៅក្នុងដំណើរការលទ្ធកម្ម។ (*1 ការស្រាវជ្រាវ «សន្ទស្សន៍លំហូរសាច់ប្រាក់របស់ Visa ឆ្នាំ 2014» ត្រូវបានធ្វើឡើងនៅខែសីហា និងខែកញ្ញា ដោយមានការចូលរួមពី CFOs / ហិរញ្ញិក មកពីសាជីវកម្មឈានមុខចំនួន 811 ក្នុងប្រទេសចំនួន 10 ដើម្បីបង្កើនការយល់ដឹងបន្ថែមអំពីបញ្ហាប្រឈម ដែលស្ថាប័នអាចជួបប្រទះអំពីការគ្រប់គ្រងលំហូរសាច់ប្រាក់ និងការធានាពីការមើលឃើញលំហូសាច់ប្រាក់ ព្រមទាំងការព្យាករណ៍។ ការស្រាវជ្រាវត្រូវបានធ្វើឡើងដោយក្រុមហ៊ុនឯករាជ្យជំនាញខាងការស្រាវជ្រាវទីផ្សារធនាគារ និងវិភាគ ហៅថា East &Partner ។ ទិន្នន័យក្នុងតំបន់មានបង្ហាញរបកគំហើញនៅក្នុងប្រទេសអូស្រ្តាលី ហុងកុង ឥណ្ឌា ជប៉ុន ម៉ាឡេស៊ី និងសិង្ហបុរី។)
សមត្ថភាពកម្មវិធីនេះគឺអាចផ្ដល់ដំណោះស្រាយរួមបញ្ចូលមួយ ដើម្បីធ្វើឱ្យដំណើរការទូទាត់លទ្ធកម្មរបស់ស្ថាប័នដើរដោយស្វ័យប្រវត្តិ។ ឈុតដំណោះស្រាយនោះរួមមាន ការវិភាគទិន្នន័យចំណាយតូចៗ អនុលោមភាពដោយផ្ដោតលើសមត្ថភាពយុទ្ធសាស្រ្តធនធាន មាតិកាវេបគ្រប់គ្រងអ្នកផ្គត់ផ្គង់ និងមុខងារទូទាត់ពាណិជ្ជកម្មតាមអេឡិចត្រូនិក។ វាមានសមត្ថភាពខ្ពស់ និងឆ្លាតវៃក្នុងការពិនិត្យការបញ្ជាទិញ កិច្ចសន្យា និងវិក្កយបត្រ ដោយធានាថា ផ្នែកទិញ និងផ្នែកហិរញ្ញវត្ថុទទួលបានព័ត៌មាន និងទិន្នន័យនៅក្នុងពេលវេលាពិតប្រាកដ ដើម្បីបន្ដបង្កើនសកម្មភាពលទ្ធកម្មនៅទូទាំងស្ថាប័ន។
