ទទួលយកជំនួយ

ដើម្បីចូលទៅក្នុងគណនីកាតឥណទានរបស់អ្នក សូមមើល​គេហទំព័រ​របស់អ្នក​ចេញ​កាត ឬធនាគាររបស់អ្នក។ គេហទំព័រ និងលេខឥតគិតថ្លៃអាចរកឃើញនៅផ្នែកខាងមុខ ឬខាងក្រោយនៃកាត Visa របស់អ្នក។ ប្រសិនបើអ្នកត្រូវការជំនួយបន្ថែម សូមទូរស័ព្ទមក Visa ដោយប្រើបញ្ជីទម្លាក់ចុះខាងលើ។

ដើម្បីជំទាស់ការគិតថ្លៃ​សេវា សូមទាក់ទងអ្នក​ចេញកាត ឬធនាគាររបស់អ្នក ដោយប្រើ​លេខទូរស័ព្ទឥតគិតថ្លៃ​ដែលមាននៅផ្នែកខាងមុខ ឬខាងក្រោយនៃ​កាត Visa របស់អ្នក។ ក្នុងករណីភាគ​ច្រើន អ្នក​ចេញកាត ឬធនាគាររបស់អ្នកនឹងទាមទារព័ត៌​មាន​លម្អិតទាក់ទងនឹង​ប្រតិបត្តិការ មុនពេលដោះស្រាយលើការគិតថ្លៃសេវា​ដែល​ជំទាស់​។

ដើម្បីពិនិត្យមើលមូលហេតុដែលកាតរបស់អ្នកត្រូវបានបដិសេធ សូមទាក់ទងអ្នក​ចេញ​កាត ឬធនាគាររបស់អ្នក ដោយប្រើលេខទូរស័ព្ទឥតគិតថ្លៃដែលមាននៅផ្នែកខាងមុខ ឬខាងក្រោយនៃ​កាត Visa របស់អ្នក។ កាតរបស់អ្នកប្រហែលជា​​ត្រូវបានបដិសេធដោយហេតុផលជាច្រើន។ អ្នក​ចេញកាត ឬធនាគាររបស់អ្នក គឺជាអ្នកដែល​មានលក្ខណៈសម្បត្តិគ្រប់គ្រាន់ក្នុងការផ្តល់នូវហេតុផលជាក់លាក់សម្រាប់​ការបដិសេធ និងផ្តល់ការណែនាំអំពីរបៀបដំណើរការ​ប្រតិបត្តិការ។

ដើម្បីរាយការណ៍កាត Visa ដែល​បាត់ ឬត្រូវបានគេ​លួច សូមមើលទំព័រកាតដែលបាត់ ឬត្រូវបានគេលួចរបស់យើង។ ក្រុមជំនួយដែលមានជំនាញរបស់យើងអាចជួយអ្នកបានគ្រប់ពេលដោយប្រើ​ការរាយការណ៍ និងការបិទកាតដែលអ្នកបាន​បាត់ ឬ​ត្រូវបានគេលួច ហើយពិចារណាផ្តល់សេវាក្នុងពេលបន្ទាន់^*ជូនអ្នក* ប្រសិន​បើអាច។

ដើម្បីស្វែងរកម៉ាស៊ីន​អេធីអ៊ឹម​ សូមប្រើកម្មវិធីកំណត់ទីតាំងម៉ាស៊ីន​អេធីអ៊ឹម​របស់ Visa ដើម្បីទទួលបានរូបិយប័ណ្ណនៅម៉ាស៊ីន​អេធីអ៊ឹម​ជាង 2 លានគ្រឿងនៅ​ទូទាំង​ពិភពលោក។

ប្រសិនបើអ្នកទទួលបានការហៅទូរស័ព្ទ ឬអ៊ីមែលដែលសួរព័ត៌មានរបស់អ្នក សូមកុំផ្តល់ព័ត៌មានឱ្យសោះ។ អ្នកអាចរាយការណ៍អំពីការឆបោកតាមទូរស័ព្ទដែលប្រើឈ្មោះ Visa ដោយទាក់ទងមកយើង។ Visa មិន​ហៅ​ទូរស័ព្ទ ឬ​អ៊ីមែល​ទៅម្ចាស់កាត ហើយស្នើ​សុំ​ព័ត៌មាន​ផ្ទាល់​ខ្លួននោះទេ។

សូមមើលទំព័រ កាតដែលបាត់ ឬត្រូវបានគេលួចរបស់យើង—ប្រសិនបើការ​លួច​អត្តសញ្ញាណពាក់ព័ន្ធនឹងកាត Visa របស់អ្នក—ដើម្បីស្វែងយល់ពី​របៀប​លុប​ចោល​កាត​របស់អ្នក ឬទទួលបានកាតប្ដូរថ្មីបន្ទាន់។

អ្នកអាចស្វែងរកចម្លើយចំពោះសំណួរទូទៅអំពីការធ្វើដំណើរ —ដូចជា ភាពអាចរកបាននៃម៉ាស៊ីន​អេធីអ៊ឹម សេវាបន្ទាន់ និងរបៀបទទួលបានជំនួយនៅពេលអ្នកនៅបរទេស ដែល​អាចរកឃើញនៅក្នុងផ្នែកជំនួយការធ្វើដំណើរ។ ប្រសិនបើអ្នក​មានសំណួរថាតើអ្នកត្រូវជូនដំណឹងដល់អ្នក​ចេញកាតរបស់អ្នកថា អ្នកកំពុងធ្វើដំណើរ និងប្រើប្រាស់កាត Visa របស់អ្នកនៅក្រៅប្រទេសឬអត់ សូមមើលគេហទំព័ររបស់អ្នកចេញកាតរបស់អ្នក។

ប្រសិនបើកាតរបស់អ្នកបានបាត់ គេលួច បំផ្លាញ ឬខូច យើងនឹងធ្វើការជាមួយស្ថាប័នហិរញ្ញវត្ថុរបស់អ្នក ដើម្បីអនុម័តនិងជួយជំរុញដល់ការដឹកជញ្ជូនកាតបន្ទាន់​ជូន​​អ្នក ជាធម្មតាក្នុងរយៈពេលពី 1 ទៅ 3 ថ្ងៃ។ សម្រាប់ជំនួយសូមទូរស័ព្ទមកយើងដោយ​ឥតគិតថ្លៃតាមលេខ (1-800-847-2911) ឬប្រើលេខទូរស័ព្ទឥតគិតថ្លៃជាសកលរបស់យើងណាមួយពីម៉ឺនុយទម្លាក់ចុះខាងលើ។

ក្នុងនាមជាអ្នកប្រើប្រាស់ អ្នកមិនចាំបាច់ចុះឈ្មោះសម្រាប់សន្តិសុខ 3-D ទេ។ អ្នក​ចេញ​កាត (ស្ថាប័នហិរញ្ញវត្ថុ ដូចជាធនាគារ ឬសហជីពឥណទាន) ដោះស្រាយការផ្ទៀងផ្ទាត់ដែលសន្តិសុខ 3-D ផ្តល់ជូន។ ប្រតិបត្តិការតាមអ៊ិនធឺណិ​ត​របស់អ្នក គឺ​​ត្រូវ​បានធានាសុវត្ថិភាពតាមរយៈ Visa ហើយការពង្រឹងសន្តិសុខ​របស់យើងធ្វើឱ្យការទិញកាន់តែរលូន—ស្របពេលដែលនៅតែការពារអ្នកពី​ការក្លែងបន្លំ។

ក្នុងនាមជាអ្នកប្រើប្រាស់ អ្នកមិនគួរជួបប្រទះបញ្ហាណាមួយជាមួយនឹងសន្តិសុខ 3-D ទេ។ ប្រសិនបើអ្នកជួបប្រទះនឹងបញ្ហា សូមទាក់ទងអ្នកចេញកាត ឬធនាគាររបស់​អ្នកសម្រាប់ព័ត៌មានបន្ថែម ដោយប្រើលេខទូរស័ព្ទដែលមាននៅលើកាតរបស់អ្នក។

សន្តិសុខ 3-D ផ្តល់ស្រទាប់សន្តិសុខបន្ថែមសម្រាប់​ប្រតិបត្តិការ​ពាណិជ្ជកម្មអេឡិចត្រូនិច​ មុនពេលមាន​ការអនុញ្ញាត។ វាអនុញ្ញាតឱ្យមានការដោះដូរ​ទិន្នន័យរវាងអាជីវករ អ្នកចេញកាត និងអ្នកប្រើប្រាស់នៅពេលចាំបាច់ ដើម្បីបញ្ជាក់ថា​ប្រតិបត្តិការ​កំពុងត្រូវបានផ្តួចផ្តើមដោយម្ចាស់គណនីត្រឹមត្រូវ។ ប្រសិនបើអ្នកចាប់អារម្មណ៍ក្នុងការ​ស្វែងយល់បន្ថែម​អំពីរបៀបដែលបច្ចេកវិទ្យាសុវត្ថិភាពនេះប្រឆាំង​តបតនឹង​ការក្លែងបន្លំ និងផ្តល់បទពិសោធពិនិត្យចេញ​កាន់តែប្រសើរជាងមុន សូមមើលសន្ដិសុខ 3-D។

ប្រសិនបើអ្នកមានកង្វល់ពាក់ព័ន្ធនឹងអាជីវករ អ្នកអាចចាត់វិធានការបានភ្លាមៗតាមរយៈការបំពេញទម្រង់នេះ។

បាទ/ចាស—ប្រសិនបើអ្នកកំពុងប្រើកាតឥណទាន Visa កាតឥណពន្ធ Visa ឬ​កាតអំណោយ Visa។ លើសពីនេះ អាជីវករត្រូវតែបញ្ជាក់ឱ្យច្បាស់នៅ​ទី​កន្លែងលក់ (មិនថានៅ​ក្នុងហាង ឬ​តាមអ៊ិនធឺណិត) ថាមាន​ការគិតថ្លៃបន្ថែម។ សម្រាប់ព័ត៌​មាន​បន្ថែមអំពី​ការគិតថ្លៃបន្ថែម​របស់អាជីវករ សូមមើលច្បាប់របស់ Visa។

ជាទូទៅ អាជីវករមិនត្រូវបានអនុញ្ញាតឱ្យកំណត់ចំនួនទឹកប្រាក់អប្បបរមា ឬអតិបរមាសម្រាប់​ប្រតិបត្តិការ Visa ទេ។ ប៉ុន្តែ​ ករណីលើកលែងត្រូវ​អនុវត្តនៅសហរដ្ឋ​អាមេរិក និងក្នុងដែនដីសហរដ្ឋអាមេរិក—ដូចជាព័រតូរីកូ កោះ​វឺជីន​អាមេរិក និង​ហ្គ័ម​។ នៅតាមទីតាំងទាំងនោះ និងសម្រាប់តែកាតឥណទានប៉ុណ្ណោះ អាជីវករអាច​ទាម​​ទារឱ្យបង់ចំនួនទឹកប្រាក់​ប្រតិបត្តិការ​អប្បបរមាចំនួន 10 ដុល្លារសហរដ្ឋ​អាមេរិក។ ប្រសិនបើអ្នកជួបប្រទះបញ្ហាដែលអាជីវករបដិសេធមិនទទួលយកកាត Visa របស់អ្នក ដោយផ្អែក​លើមូលដ្ឋានដែលអាជីវករទាមទារឱ្យបង់ចំនួនទឹកប្រាក់អប្បបរមា ឬអតិបរមានៅលើ​កាត​ឥណពន្ធ Visa ឬតម្រូវឱ្យមានចំនួនទឹកប្រាក់​ទិញ​នៅលើ​កាតឥណទានច្រើនជាង 10 ដុល្លាសហរដ្ឋអាមេរិកនោះ សូមជូនដំណឹងដល់អ្នក​ចេញកាត Visa របស់អ្នក។